DKU студенттері арасында қысқы сессия қорытындысы бойынша бос гранттарды тағайындау конкурсы

Құрметті студенттер!

Қазақстан-Неміс университеті 2021−2022 оқу жылының қысқы емтихан сессиясының қорытындысы бойынша бос білім беру гранттарын тағайындау үшін ақылы негізде оқитын DKU студенттері арасында конкурс жариялайды.

Конкурс «Жоғары немесе жоғары оқу орнынан кейінгі білім алу процесінде босаған «бакалавр» немесе «магистр» дәрежелері берілетін жоғары немесе жоғары оқу орнынан кейінгі білім алуға ақы төлеу үшін босаған бос білім беру гранттарын беру тәртібі" Қазақстан Республикасы Үкіметінің 2008 жылғы 23 қаңтардағы № 58 «Жоғары немесе жоғары оқу орнынан кейінгі білім алуға ақы төлеу үшін білім беру грантын беру қағидаларын бекіту туралы» қаулысының 4-тармағының негізінде өткізіледі.

Конкурсқа аралық аттестаттау нәтижелері бойынша Қазақстан-Неміс университетінде ақылы негізде білім алатын және білім беру бағдарламаларының топтары, курстары мен оқыту нысандары бойынша құжаттар тапсырған студенттер қатыса алады.

Жоғары және (немесе) жоғары оқу орнынан кейінгі білім алу процесінде босаған бос білім беру гранттарын беру жазғы және қысқы демалыс кезеңінде конкурстық негізде бар бос орындарға мынадай тәртіппен жүзеге асырылады:

1) ақылы негізде білім алушы ЖОО басшысының атына жоғары немесе жоғары оқу орнынан кейінгі білім беру гранты бойынша қосымша білім алуға өтініш береді;

2) келіп түскен өтініштер Ғылыми кеңестің отырысында қаралады;

3) Ғылыми кеңестің шешімімен кандидатурасы мақұлданған білім алушының құжаттары шешім қабылдау үшін Қазақстан Республикасы Білім және ғылым министрлігіне жіберіледі.

Үміткерлерге қойылатын негізгі талап — тиісті оқу кезеңінде жақсы үлгерім және жоғары GPA балы болып табылады.

Қазіргі уақытта 5 бос грант бар:

1. Кадрларды даярлау бағыты 6В071 «Инженерия және инженерлік іс», «Энергетика және экологиялық техника» білім беру бағдарламасы

1 курс / 2 орын

2. Кадрларды даярлау бағыты 6В061 «Ақпараттық-коммуникациялық технологиялар», «Экономикадағы ақпараттық инжиниринг», «Телематика», «Mobile computing» білім беру бағдарламалары

3 курс / 2 орын

3. Кадрларды даярлау бағыты 6В140 «Халықаралық қатынастар және дипломатия», «Халықаралық қатынастар» білім беру бағдарламасы

3 курс /1 орын

Конкурсқа қатысуға өтінімдерді қабылдаудың соңғы мерзімі 2022 жылдың 17 қаңтарына дейін.

Барлық сұрақтар бойынша:

+7 727 355 05 51, ішкі 209 немесе academic@dku.kz