DAAD-ның өзекті жобасы

DAAD жобасы: «DKU-дың құзіретін, кооперациясын және танымдылығын нығайту»

2007 жылдан бастап Қазақстан-Неміс Университеті (DKU) неміс университеттерімен бірлесіп жүзеге асырылатын әртүрлі жобалар аясында Академиялық Алмасудың Германдық Қызметі (DAAD) және Германияның Сыртқы істер министрлігінің (СІМ) тарапынан қаржылай қолдау алуда. Жобаның мақсаты — DKU-дың дамуына қолдау көрсету және DKU-дың Германиядағы серіктестерімен ынтымақтастығын нығайту. Өзекті жобаның атауы «DKU-дың құзіретін, кооперациясын және танымдылығын нығайту» болып табылады, іске асыру мерзімі - 2017−2020 жж. Жобаның үйлестірушісі Қазақстанмен тығыз жұмыс істейтін осы жобаның бюросы орналасқан Шмалькальден қаласындағы қолданбалы ғылымдар университеті болып табылады.

Германиядағы командасы: http://www.dku-projekt.de/team-in-deutschland/

Қазақстандағы командасы: http://www.dku-projekt.de/team-in-kasachstan/


Жобаның міндеттері:

  • неміс оқытушыларын іздеу (Flying Faculty), олардың жұмысын ұйымдастыру және жоспарлау;
  • «Орталық Азиядағы модульдік пәндерді оқу» бағдарламасы бойынша Германия университеттерінің студенттерін DKU-ға шақыру;
  • неміс серіктестерімен бірлесіп оқу бағдарламаларын әзірлеу;
  • консорциум мүшелері арасында жоспарлы кездесулерді ұйымдастыру және өткізу;
  • Германия мен Орталық Азиядағы университеттермен және іскери серіктестермен DKU-дың байланыстарын нығайту;
  • Алматыдағы DKU студенттеріне, сондай-ақ бірлескен академиялық пәндер аясында Германияға алмасу бағдарламасы бойынша кеткен студенттерге стипендиялар ұсыну;
  • DKU оқытушылары мен қызметкерлері үшін интенсивті тіл курстарын өткізу;
  • DKU-да жыл сайынғы халықаралық Жазғы Университетті ұйымдастыру және өткізу;
  • «DKU Talks» пікірсайыс алаңына қаржылық қолдау көрсету.


Жобаның соңғы жаңалықтары
Жобаның соңғы жаңалықтарын төмендегі сілтемені басу арқылы біле аласыз:
www.dku-projekt.de/aktuelles