2021 жылғы 20 қыркүйекте DKU-да жүк велосипедінің тұсаукесері өтті
2021 жылғы 20 қыркүйекте DKU-да жүк велосипедінің тұсаукесері өтті
Қазақстан-Неміс университетінің президенті — Габриеле Штаунер ханым қонақтарды қарсы алып, осы маңызды жобаны іске қосқан LogCentre Dku командасына сәттілік тіледі.
«LogCentre DKU Магдебург университетімен тығыз ынтымақтастықта жасаған жүк велосипедінің жобасы баршаңызды қызықтыратынына өте қуаныштымын. LogCentre DKU барлық пайда болған логистикалық мәселелерге заманауи және болашаққа сенімді шешімдерді әзірлеуге және ұсынуға дайын.
Өздеріңіз білетіндей, біз „Логистика“ білім беру бағдарламасы бойынша Қазақстан университеттерінің рейтингінде бірінші орында тұрмыз. Біз мұны мақтан тұтамыз, бірақ соған қарамастан біз өз бағдарламаларымызды үнемі жетілдіруге тырысамыз.
Жүк велосипедінің тұсаукесері қолайлы уақытта өтіп жатыр: осы аптада біз Еуропалық Одақтағы Еуропалық мобильділік апталығын атап өтеміз.
Мақсат — тұрақты ұтқырлық қоғамның барлық мүшелерінің өмір сүру сапасын жақсартатынын іс жүзінде көрсету.
Сонымен қатар, тұрақты ұтқырлық жолаушыларды тасымалдау мен жүк тасымалдауды тоқтатпай, қоршаған орта мен климатты қорғау мүмкіндіктерін ұсынады.
Бұл тұрғыда жүк велосипеді заманауи, болашаққа бағытталған технологиялардың үлгісі болып табылады және бұл жоба әсем қала Алматыда сәтті болады деп сенемін!»