2019 жылы 15 қазанда «Белдеу және жол» бастамасы және Орталық Азия елдерінің әлеуметтік-экономикалық және қоғамдық-саяси даму перспективалары «халықаралық ғылыми конференциясы өтті

Іс-шараны ұйымдастырушылар:

• Қазақстан-Неміс Университетінің халықаралық және аймақтық ынтымақтастық институты;
• Роза Люксембург қорының (ГФР) Орталық Азиядағы өкілдігі.

Іс-шараға қатысушылар:

• Герман Бундестагының және Роза Люксембург қорының өкілдері;
• ҚР СІМ-нің Алматыдағы өкілдігінің қызметкерлері және оңтүстік астанада тіркелген дипломатиялық корпустың өкілдері;
• Ресей, Тәжікстан, Өзбекстан сарапшылары;
• қазақстандық жетекші жоғары оқу орындары мен ғылыми мекемелердің ғалымдары мен оқытушылары: Қазақстан-Неміс Университеті, ҚР Президенті жанындағы Қазақстан стратегиялық зерттеулер институты, Қазақ ұлттық университеті, Әл-Фараби атындағы Қазақ халықаралық қатынастар және әлем тілдері университеті, ҚР Білім және ғылым министрлігі, ҒК Философия, саясаттану және дінтану институты, «China Center» қытайлық зерттеулер орталығы.

Осы форумның өзектілігі қазіргі халықаралық қатынастар жүйесінде болып жатқан өзгерістермен анықталады. Геосаяси ландшафт әртүрлі және көпполярлы болады. Бір мезгілде тұрақсыздық пен белгісіздік факторлары күшейе түсуде, әлемдік экономикадағы тұрақсыз жағдай қалып отыр, экономикалық жаһандану процесі біржақты протекционистік шаралардың өсуімен бетпе-бет келеді, экономикалық санкциялар сауда соғыстарына көше бастады. Әлемнің түрлі өңірлерінде қарулы қақтығыстарға, терроризм мен діни экстремизмнің көріністеріне, есірткінің заңсыз айналымына және халықаралық ұйымдасқан қылмысқа байланысты тәуекелдер мен қауіптер өсуде.

Осыған байланысты жаһандық және өңірлік экономикалық интеграцияны дамытуға, адамзаттың бірыңғай тағдырының қауымдастығын қалыптастыруға ықпал ететін Еуразиялық жобалардың маңызы арта түсуде. Конференцияда «Белдеу және жол» бастамасының Еуразиялық экономикалық одақпен және «Нұрлы жол» қазақстандық стратегиясымен ұштасуының жай-күйі мен перспективаларына, сондай-ақ өңірлік қауіпсіздікті қамтамасыз ету мақсатында екіжақты және көпжақты ынтымақтастық мәселелеріне ерекше назар аударылды.

Форумға қатысушылар осы бастама аясында Қазақстан мен Орталық Азия елдерінің Қытаймен экономикалық, қаржылық, индустриялық, көліктік-коммуникациялық, ғылыми-білім беру өзара іс-қимылының жаңа болмысы мен пайда болатын жағдайларына қатысты түрлі көзқарастарды білдірді.

Конференцияға қатысушылары қазіргі заманғы жаһандық сын-қатерлерге, дәстүрлі және дәстүрлі емес қатерлердің өсуіне қарамастан, «Белдеу және жол» бастамасы жаңа геосаяси реалияларда табысты болып, қалпына келетін Жібек жолының бойында орналасқан Қазақстан мен басқа да елдерге практикалық пайда әкеледі деген үміт білдірді.