1 сәуір күні Ақтау қаласында Қазақ-Неміс Тұрақты Инженерия Институтының қабырғасында Қазақстан-Неміс университеті, Ш. Есенов атындағы Каспий технологиялар және инжиниринг университеті және Хоф қолданбалы ғылымдар университеті (Hochschule Hof, Германия) арасында Қос дипломды бағдарламалар бойынша келісімге қол қойылды.
DKU және Есенов университетінің инженерлік және IT мамандықтары бойынша білім алып жатқан студенттері Қос диплом бағдарламасы аясында Хоф қолданбалы ғылымдар университетіне барып, осы неміс жоғары оқу орнының дипломын алу мүмкіндігіне ие болады.
DKU президенті, профессор Волрад Роммель бұл келісімнің қазақстандық студенттерге халықаралық білім алу мен кәсіби дамудың жаңа мүмкіндіктерін ашатынын атап өтті. Ол Хоф университетімен бірлескен қос диплом бағдарламасы тек академиялық ұтқырлықты арттырып қана қоймай, сондай-ақ Қазақстан мен Германия арасындағы жоғары білім беру саласындағы ынтымақтастықтың дамуына жасалған маңызды қадам екенін ерекше айтты.
