2025 жылғы 3 ақпанда «Қаржы орталығы» АҚ Алматы өкілдігінің жетекші маманы Тыныбеков Абылай Амангелдіұлы мемлекеттік білім беру тапсырысы негізінде білім алып жатқан Қазақстан-Неміс университетінің бітіруші курс студенттерімен кездесті.
Қаржы орталығының өкілі студенттерге ҚР Ғылым және жоғары білім министрінің 2023 жылғы 11 тамыздағы № 403 бұйрығын түсіндірді: «Маманды жұмысқа жіберу, бюджет қаражаты есебінен жұмсалған шығындарды өтеу, өз бетінше жұмысқа орналасу құқығын беру, мемлекеттік білім беру тапсырысы негізінде оқыған Қазақстан Республикасының азаматтарын өтеу міндетінен босату немесе оны тоқтату қағидаларын бекіту туралы».
Студенттер грантты өтеу мәселесі бойынша белсенді сұрақтар қойды. Сондай-ақ оқу шығындарын өтеу және түлектерді міндетті жұмыспен өтеуден босатудың шарттары талқыланды.
Кездесудің соңында А.А. Тыныбеков бұйрықта көрсетілген барлық талаптарды сақтау маңызды екенін атап өтті, себебі бұл болашақта туындауы мүмкін түсініспеушіліктер мен қаржылық міндеттемелерден сақтануға көмектеседі.
