Бүгін, 1 маусымда Қазақстан-Неміс университетінің президенті, профессор Вольрад Роммель және халықаралық байланыстар жөніндегі вице-президент Асхат Жілқайдаров Берлин техникалық университетіне (Technische Universität Berlin) барып, осы университеттің «Жүйелік динамика және үйкеліс физикасы» бағытының жетекшісі, профессор Валентин Поповпен кездесу өткізді.
Кездесу барысында тараптар университеттер арасындағы ынтымақтастықты әртүрлі бағыттар бойынша дамыту перспективаларын талқылады. Бірлескен білім беру бағдарламаларын іске асыру, ғылыми-зерттеу жобаларын дамыту, студенттер мен оқытушылардың академиялық ұтқырлығын кеңейту, сондай-ақ халықаралық ғылыми ынтымақтастықты нығайту мәселелеріне ерекше назар аударылды.
Кездесуге қатысушылар серіктестік қатынастарды одан әрі нығайтуға және білім беру, ғылым мен инновацияларды дамытуға бағытталған бірлескен бастамаларды жүзеге асыруға өзара қызығушылық білдірді.
