Академик Ш. Есенов атындағы шәкіртақы 2023

Академик Шахмардан Есенов атындағы ғылыми білім беру қоры 40 000 теңгеден тұратын 20 студентік шәкіртақы байқауын жариялайды.

Бағдарлама қатысушылары: қазақстандық университеттерде жаратылыстану-ғылыми, техникалық, медициналық және ІТ мамандықтары бойынша білім алып жатқан бакалавриаттың 2−3 курс студенттері, медициналық жоо үшін бакалавриаттың 2−5 курсы, 18 жасқа толған Қазақстан азаматтары.

Гранттар саны: 20

Ш. Есенов атындағы шәкіртақы Байқауына қатысу үшін үміткер:

Қордың yessenovfoundation.org сайтында онлайн-өтінімді толтыруы және келесі құжаттарды ұсынуы қажет:

Міндетті құжаттар:

1. Жеке куәлік көшірмесі;
2. «Қазіргі әлемде кәсіпқой маман болу оңай ма? Бұған не кедергі келтіреді және не ықпал етеді?» атты тақырыпқа эссе/уәждемелік хат. (Microsoft Word форматында);
3. Транскрипт (орта балл 3,0 кем емес).

Қосымша құжаттар:

1. Ғылыми сертификаттар/дипломдар — 2 сертификаттан көп емес;
2. Әлеуметтік белсенділік/еріктілік қызметі үшін сертификаттар — 3 сертификаттан көп емес;
3. Жарияланымдар — 2 жарияланымнан көп емес.
4. Ғылыми жетекшісінің ұсынымы (бакалавриат бағдарламасының жетекшісі, кафедра меңгерушісі);

* Қормен сертификаттардың шектеулі саны қаралады. Ізденуші жетістіктерін барынша жақсы жағынан көрсететін сертификаттарын өз бетінше іріктеп алуы қажет.

Өтінімдер қордың yessenovfoundation.org сайтында 2023 жылдың 30 қаңтары мен 02 наурыз аралығында қабылданады.

* Өтінімді қабылдау 2023 ж. 02 наурыз Астана қ. уақыты бойынша (GMT+6) сағат 15:00 аяқталады.

Барлық өтінімдер қордың yessenovfoundation.org сайтында толтырылады.