Размер шрифта:

Цветовая схема:

Басшылық

Др. Габриеле Штаунер

DKU президенті

Заң ғылымдарының докторы Габриеле Штаунер Бавария, Вольфратсхаузен қаласында дүниеге келген. Доктор Штаунер тілдер мен құқықты Мюнхен мен Парижде оқыған, аудармашы дипломы бар, ал 1984 жылы Людвиг-Максимилиан Университетінде (Мюнхен) құқық докторы дәрежесін алған. Доктор Штаунер мемлекеттік органдамен жұмыс жүргізу бойынша мол тәжірибесі бар, мысалы: БҰҰ, Еуропарламент ж.т.б. Ол Германия және басқа да шетелдік университеттерінде оқытушылық қызметімен белсенді түрде айналысады.
Қазіргі таңда Габриеле Штаунер Қазақстан-Неміс Университетінің Бақылау кеңесінің төрағасы болып табылады. Бақылау кеңесінің 2020 жылғы 23 қыркүйектегі шешімімен Габриеле Штаунер 2020 жылғы 1 қарашадан бастап Қазақстан-Неміс университетінің Президенті болып тағайындалды.


Др. Хайнц-Петер Хёллер

DAAD жобасының басшысы

Профессор Хайнц-Петер Хеллер Дармштадт Техникалық университетінде компьютерлік ғылымдар бойынша дипломын алып, ал доктор дәрежесін Бремен Университетінде алған.
Профессор Хеллер өз мансабын Дармштадт қаласының GMD неміс зерттеу институтында бастаған, қазіргі таңдағы атауы Фраунгофер-институт. Кейін ол Бремен университетінде ассистент болған. 1993 жылдан бастап Хайнц-Петер Хеллер Шмалькальден қолданбалы университетінде факультет деканы, кейін университет ректоры болып, қазіргі таңда деректерді жіберу саласында профессор болып табылады. Бүгінгі күні профессор
Хайнц-Петер Хеллер Қазақстан-Неміс Университеті дамуының неміс қолдауын ұйымдастыратын DAAD-жобасының төрағасы болып табылады.


Ажибаева Асель

Ректордың міндетін атқарушы / Академиялық қызмет жөніндегі проректор

Ажибаева Асель Ауэзовна экономикалық ғылымдар бойынша кандидаттық дәрежесін 2010 жылы алды. Кандидаттық диссертациясы «Қазақстанның өсімдік шаруашылығындағы сақтандырудың ұйымдастыру-экономикалық механизмін жетілдіру (Алматы облысы материалдарының негізінде)» тақырыбына арналды. Оның оқытушылық және ғылыми қызметі 1998 жылы Қазақ мемлекеттік сәулет-құрылыс академиясында «Құрылыстағы экономика» кафедрасында басталды. Ол Қазақстан-Неміс университетінде университет құрылғаннан бастап 20 жылдан астам жұмыс істейді.
Бүгінгі таңда Асель Ауэзовна Қазақстан-Неміс университеті Ректорының міндетін атқарушы және Академиялық қызмет жөніндегі проректор қызметін атқарады.


Бейменбетов Серик

Ғылым жəне технологиялар трансфері жөніндегі проректор

Доктор Серик Бейменбетов өзінің философия докторы дәрежесін Ұлыбританияның Эксетер университетінің саясаттану және халықаралық зерттеулер бөлімінде алды. Бұған дейін ол Фрайбург қаласындағы Альберт Людвиг атындағы Университетінде (Германия) және Әл-Фараби атындағы Қазақ ұлттық университетінде саясаттану, қазіргі және жаңа тарихы мен халықаралық қатынастарды зерттеген. DKU-ға келгенге дейін ол Орталық Азияның Американдық университетінде (ОААУ, Бішкек, Қырғызстан) және Орталық Азия университетінде (ОАУ, Бішкек, Қырғызстан) сабақ берген.


Барбара Януш-Павлетта

Халықаралық ынтымақтастық жөніндегі проректор

2011 жылдан бастап доктор Барбара Януш-Павлетта DAAD (Германия академиялық алмасу қызметі) атынан Алматы қаласындағы Қазақ-Неміс университетінде Орталық Азиядағы су ресурстарын бірігіп басқару бойынша өңірлік магистрлік бағдарламаны құрып, басқарады. 2016 жылдан бастап ол ЮНЕСКО-ның Орталық Азиядағы су ресурстарын басқару бойынша төрағасы болып табылады. Оның оқытушылық және зерттеу салалары құқықтық шеңберді және институционалдық мемлекетаралық ынтымақтастықты қамтиды. 2004 жылдан бастап оның есебінде әртүрлі дереккөздерде, оның ішінде шетелдік дерекөзде 35-тен астам ғылыми жарияланымдары бар.
Қазіргі уақытта доктор Барбара Януш-Павлетта сонымен қатар, Орталық Азиядағы суды зерттеу журналының (CAJWR) бірлескен редакторы болып табылады, бұл Орталық Азия аймағындағы су ресурстарын басқарудың барлық аспектілеріне арналған ашық қол жетімді электрондық журнал болып табылады. Барбара Януш-Павлетта «Даму үшін табиғи ресурстарды тұрақты басқарудағы халықаралық құқықтың рөлі" комитеті шеңберінде Ғаламдық су әріптестігінің техникалық комитетінде (ҒСУ) және Халықаралық құқық қауымдастығының мүшесі болып табылады.


Розанова Светлана

Қаржы-әкімшілік басқармасының директоры