Халықаралық кеңсе

«Қос диплом» бағдарламасы

Біздің студенттер үшін «Қол диплом» бағдарламасы аясында Германияда бір жыл оқу мүмкіндігі қарастырылған. Бағдарлама аяқталғаннан кейін түлек қазақстандық және неміс үлгісіндегі екі диплом алады.

Бағдарламаға қатысу үшін неміс тілін жақсы білу мен барлық пәндер бойынша үлгерімі жоғары болуы тиіс.

«Қос диплом» бағдарламасы бойынша ҚНУ-дың Германиядағы серіктес жоғары оқу орындары

«Қос диплом» бағдарламасына қалай қатысуға болады?

Бағдарламадан орын алу үшін үш кезеңнен тұратын конкурстық іріктеуден өту қажет:

  1. Неміс тілін білуі туралы TestDaF тесті
  2. Өтініш беру:
    - Lebenslauf / неміс тілінде түйіндеме;
    - Motivationsschreiben / неміс тіліндегі уәждемелік хат;
    - TestDaF сертификатының көшірмесі.
  3. Іріктеу кезеңі. Жеңімпаздарды құрамында ҚНУ жетекшілері мен серіктес жоғары оқу орындарының, сондай-ақ DAAD Германия академиялық алмасу қызметінің өкілдері бар арнайы комиссия анықтайды.

* Барынша толық ақпаратты мына жерден қараңыз.

Бағдарламаға қатысу тегін. Германиядағы серіктес жоғары оқу орнында оқуға студенттерге шәкіртақы төленеді.
«Қос диплом» бағдарламасы — неміс үлгісіндегі диплом және Германияда оқу сияқты өте құнды тәжірибе, бұл ҚНУ студенттері үшін бірегей мүмкіндік.